Molliqaj: Për temat e rëndësishme po vendosin Thaçi, Veseli e Vuçiqi

19:12 | 27 Gusht 2018
V. S.

 

Deputeti i Kuvendit të Kosovës nga PSD, Dardan Molliqaj konsideron se për temat e rëndësishme të Kosovës po vendosin Hashim Thaçi, Kadri Veseli e Aleksandër Vuçiq.

Përmes një postimi ne facebook, Molliqaj i ka reaguar kryetarit të Kuvendit, Kadri Veseli, i cili e quajtur absurde thirrjen e seancës së jashtëzakonshme për dialogun në mes Kosovës dhe Serbisë.

Postimi i plotë:

Shteti ynë paska mbërritur në këtë pikë ku thirrja e një seance të jashtëzakonshme të quhet veprim absurd, antidemokratik, etj. dhe pikërisht nga kryetari i Kuvendit!

Pra Kadri Veseli po e don një Kosovë ku për temat e rëndësishme vendosin ai, Thaçi e Vuqiçi, e jo Kuvendi i zgjedhur nga populli.

Reagimi i tij plot mllef ndaj opozitës veç sa po e konfirmon drejtësinë e kërkesës tonë për seancë të jashtëzakonshme./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm